ინტერვიუ დირექტორ პაატა კაჭარავა_სთან

რუბრიკა _ ბიზნესი

განახლებული `საბა~ _ მაქსიმალური კომფორტი!

პაატა კაჭარავას ბიზნესის წარმატების ფორმულა

`განახლებული `საბა~ _ მაქსიმალური კომფორტი!~ _ ეს მრავალფუნქციური სავაჭრო ცენტრ `საბას~ სლოგანია... ჩვენში დარჩეს და, ის, ვინც 2013 წლის 26 თებერვალს `საბას~ გადაწვა დაგეგმა და განახორციელა, ალბათ, დარწმუნებული იყო, რომ `საბა~ და, შესაბამისად, მისი მფლობელი, ბიზნესმენი პაატა კაჭარავა ფეხზე ვეღარასოდეს დადგებოდა, მაგრამ რამდენიმემილიონიანმა ზარალმა პაატა კაჭარავა ვერ დააჩოქა და დივერსიიდან, პრაქტიკულად, 9 თვეში განახლებული `საბა~, როგორც იტყვიან, წარმოებაში ჩაუშვა. 12-მილიონიანი ინვესტიცია რისკია, არ გეშინიათ? _ გამომწვევად ვეკითხები ბიზნესმენს. ჯანსაღი კონკურენციის პირობებში, სარისკო არაფერია, _ დამაჯერებლად მპასუხობს პაატა კაჭარავა... მაშ ასე, დღეს `ქართული სიტყვა~ თანამედროვე ქართულ ბრენდ `საბაზე~ გიამბობთ.
ყველაფერი 2005 წელს დაიწყო _ `ნაციონალებმა~ ხელი ბაზრობების რეორგანიზაციას მიჰყვეს. პაატა კაჭარავამ და მისმა გუნდმა მერიას შეთავაზებით მიმართა, ქალაქის ცენტრში გვაქვს წარმოებისთვის გამოუსადეგარი თავისუფალი ფართი, სადაც ბაზრობის მოწყობა შეიძლებაო. ანალოგიური წინადადება სხვებსაც ჰქონდათ, მაგრამ საბოლოო ჯამში, უპირატესობა კაჭარავას წინადადებას მიენიჭა. კაჭარავას გეგმით, `საბა~ მრავალპროფილური სავაჭრო ცენტრი უნდა ყოფილიყო, მაგრამ იდეის ხორცშესხმა არ დასცალდა _ `ნაციონალებმა~ ჯერ ქონება წაართვეს და დაიჭირეს, მერე კი, როგორც ბიზნესმენი ეჭვობს, დივერსია მოუწყვეს _ `სავაჭრო ცენტრი საბა~ დაწვეს...
ნათქვამია, ზოგი ჭირი მარგებელიაო. მართალია, `ჭირმა~, ანუ ხანძარმა ბიზნესმენი მხოლოდ ფინანსურად კი არა, მორალურადაც აზარალა, მაგრამ დღეს განახლებული `საბა~ მაქსიმალური კომფორტის გარანტიაა _ იმ 6 ათას კვადრატულ-მეტრზე, რომელიც ხანძარმა შთანთქა, 3-სართულიანი ევროსტანდარტების შენობა აშენდა, რომლის საერთო ფართიც 21 ათასი კვ.მ-ია.
განახლებული `საბა~ სათვალთვალო კამერებით, 24-საათიანი დაცვით, თანამედროვე ხანძარსაწინააღმდეგო სისტემითაა აღჭურვილი _ ყოველ ორ მეტრში სპეციალური ე.წ. ცეცხლმაქრია, რაც იმას ნიშნავს, რომ ცეცხლმაქრი მხოლოდ ცეცხლს ჩააქრობს და გარშემო არაფერს დააზიანებს.
თბილისის `აქილევსის ქუსლი~ ე.წ. პარკინგია _ ნებისმიერ დიდ სავაჭრო ცენტრში სტუმრობა ადამიანებს იმიტომ ეზარებათ, რომ არ იციან, ავტომანქანა სად გააჩერონ. `საბა~ ამ მხრივაც გამორჩეულია _ განახლებულ სავაჭრო ცენტრ `საბას~ სამი შესასვლელ-გასასვლელი აქვს და სამივეგან პარკინგია.
`საბას~ კიდევ ერთი ბიზნეს-სიახლე ისაა, რომ მალე, 18 ათას კვ.მ-ზე ახალი მრავალპროფილიანი სავაჭრო ცენტრის მშენებლობა დაიწყება, სადაც ავეჯთან ერთად, ტექნიკაც გაიყიდება და ლამინირებული იატაკიც. ამასთან, რემონტთან დაკავშირებული `შოურ რუმებიც~ მოეწყობა. მაშასადამე, ადამიანს, რომელიც ახალმოსახლეობისთვის ემზადება, სარემონტო მასალების, იატაკისა თუ ავეჯის საყიდლად წინ და უკან სირბილი აღარ მოუწევს _ აგერ, აქვე, ქალაქის შუაგულში, ნახალოვკაში, ერისთავის #5-ში, `საბაში~ მივა და მხოლოდ დროს კი არა, ნერვებსა და თანხასაც დაზოგავს _ `საბაში~ ყველანაირი ფასისა და ხარისხის ავეჯი თუ სხვა საყოფაცხოვრებო ნივთები იყიდება!
ერთი სიტყვით, განახლებული ქართული ბრენდი `საბა~ ქალაქია ქალაქში, რომელიც მოვაჭრეებისთვისაც მიმზიდველია _ აქ ერთი კვადრატული მეტრის დაქირავება დოლარნახევარიდან ათ დოლარამდე დაგიჯდებათ!
როგორც ბიზნესმენი პაატა კაჭარავა ამბობს, განახლებული `საბა~ დაზღვეულია. ასევე, დაზღვეულნი არიან მოვაჭრეებიც, რაც იმას ნიშნავს, რომ ღმერთმა დაიფაროს და, დივერსიის შემთხვევაში, ზარალს მთლიანად სადაზღვევო კომპანია აანაზღაურებს.
_ ბატონო პაატა, მოვაჭრეებს ახალი შენობა და პირობები მოსწონთ?
_ რა თქმა უნდა, კმაყოფილები არიან. ყველაფერს თავი რომ დავანებოთ, შენობა თანამედროვე სტანდარტებს სრულად აკმაყოფილებს _ გათბობა-გაგრილება, ვენტილაცია, სიგნალიზაცია. სავაჭრო ფართებიც დიდია.
_ როგორც ვიცი, დაზარალებული მოვაჭრეები ახალ შენობაში გარკვეული შეღავათებით სარგებლობენ, არა?
_ დიახ, ასეა _ თუკი სხვაგან კვადრატული მეტრი 13 დოლარი ღირს, ჩვენ ათ დოლარად ვაქირავებთ...
_ შენობის აღდგენა, უფრო სწორად, ახლის აშენება რა დაჯდა?
_ დაახლოებით, 9 მილიონი.
_ ამ ინვესტიციის განხორციელება ღირდა?
_ ამხელა ინვესტიცია იმიტომ ჩავდეთ, რომ ხალხი `პალატკებში~ იყო და ვალდებულნი ვიყავით, ახალი სამუშაო ადგილები შეგვექმნა. სხვათა შორის, კიდევ ერთ ახალ შენობას ვაშენებთ.
_ საერთო ჯამში, რამდენი სამუშაო ადგილი შექმენით?
_ მშენებლობაზე 800 ადამიანი იყო დასაქმებული, ახლა კი, ათასი ადამიანი მუშაობს.
_ ახალი მოვაჭრეებიც გყავთ?
_ კი, ძირითადად ახლები არიან...
_ ბატონო პაატა, `საბა~ ავეჯის ბიზნესში ერთადერთია?
_ ასეთი მასშტაბისა და სტანდარტების სავაჭრო სახლი საქართველოში არ არსებობს.
_ რატომ ფიქრობთ, რომ `საბა~ მრავალპროფილური გახადოთ?
_ ყველაფერს თავი რომ დავანებოთ, ეს ბიზნესის განვითარებაა, თან ხალხსაც უნდა, რომ `საბაში~, ავეჯის გარდა, სხვა რაღაცებიც იყიდებოდეს. სხვათა შორის, თავის დროზე, როცა `საბა~ პირველად გაიხსნა, ერთმა ჟურნალისტმა მკითხა, რა იქნებაო და მარტივად ვუპასუხე, რა და, _ ქალაქი ქალაქში-მეთქი. ეს სლოგანი დაპატენტებული არ მქონდა და სხვებმა მიითვისეს, თან `ნაციონალებმა~ ქონება წამართვეს და ქალაქში ქალაქის განვითარების პერსპექტივა დაამუხრუჭეს.
_ დღეს ბიზნესის განვითარებისთვის როგორი პირობებია?
_ 2012 წლის პირველი ოქტომბრის საპარლამენტო არჩევნების შემდეგ ის შეიცვალა, რომ უმიზეზოდ არ დაგიჭერენ. `ნაციონალების~ დროს კი, მიზეზი საჭირო არ იყო _ როგორც იტყვიან, მაშინ აქლემმა ყველას კართან დაიჩოქა. ახლა შემიძლია, თავდაცვაზე კი არა, ბიზნესის განვითარებაზე ვიფიქრო.
_ ისე, თავის დროზე მაინცდამაინც ავეჯის სავაჭრო ცენტრის გახსნა რატომ გადაწყვიტეთ _ ბიზნესის ეს ნიშა თავისუფალი იყო და კარგი მარკეტინგული გათვლა გააკეთეთ?
_ ეს ერთი და, მეორეც, `ნაციონალები~ რომ მოვიდნენ, ბაზრობების რეორგანიზაცია დაიწყეს _ არსებობდა ადგილები, სადაც არ შეიძლება, ბაზრობა იყოს გახსნილი. მაგალითად, სპორტულ ობიექტზე ბაზრობას რა უნდა? მოკლედ, მერიის სახელზე შეთავაზება გავაკეთეთ, რომ წარმოებისთვის გამოუსადეგარი თავისუფალი ფართი გვქონდა... საბოლოო ჯამში, ტენდერში გავიმარჯვეთ.
_ ბატონო პაატა, თბილისში მრავალფუნქციური კომპლექსების სიმრავლეა. მას შემდეგ, რაც `საბაც~ მრავალფუნქციური კომპლექსი გახდება, კონკურენციას გაუძლებთ?
_ ჯანსაღ და ჯანმრთელ კონკურენციას, რასაკვირველია, გავუძლებთ. 
_ მახსოვს, რამდენიმე თვის წინ, მისთვის, ვინც `საბაში~ გაჩენილ ხანძარზე ინფორმაციას მოგაწვდიდათ, 100 ათასი ლარი პრემია დააწესეთ, მაგრამ ამ ინიციატივას არავინ გამოეხმაურა. თქვენი აზრით, რატომ?
_ როგორც ჩანს, შემკვეთმა შემსრულებელს უფრო ბევრი გადაუხადა და... 100 ათასი ეცოტავათ.
_ ვთქვათ, ავეჯით მოვაჭრე ვარ. ფართი მაინცდამაინც `საბაში~ რატომ უნდა ვიქირაო?
_ იმიტომ, რომ ფართის ქირაობა ყველაზე იაფი ჩვენთანაა _ სხვაგან თუ კვადრატულ მეტრში, დღეში, 4 ლარს იხდიან (თვეში 120 ლარი გამოსდით), ჩვენთან კვადრატული მეტრის დაქირავება, დღგ-ს ჩათვლით, თვეში ათ დოლარად შეიძლება. კომფორტზე კი, უკვე გელაპარაკეთ... საერთოდ, ჩვენ ერთჯერად მოგებაზე არ ვართ ორიენტირებულნი და გვირჩევნია, მეტი ფართი გავაქირაოთ...
_ `საბაში~ ავეჯი თქვენ თუ გიყიდიათ?
_ რა თქმა უნდა, ბევრჯერ...
_ `საბა~ ბრენდია?
_ (იღიმება) ბრენდია, აბა, რა არის? _ საქართველოში ყველამ იცის, რომ `საბა~ ავეჯის ბაზრობაა! სხვათა შორის, უმცროსი შვილი სულ მეჩხუბება, ჩემი სახელი რატომ არ დაარქვიო...

ერთი სიტყვით, თუკი გინდათ, რომ წარმატების მწვერვალი დაიპყროთ, მაგრამ არ იცით, პირველი ნაბიჯი როგორ გადადგათ, ბევრი აღარ იფიქროთ _ ერისთავის #5-ში განახლებულ `საბას~ მიაშურეთ, ტელეფონზე _ (995 32) 269-06-53 დარეკეთ ან, სულაც, ვეგვერდს _www.sabahouse.ge ესტუმრეთ.
გახსოვდეთ: განახლებული `საბა~ მაქსიმალური კომფორტია!